"Улуттук банк деп айткандан уяласың". Депутат Улуттук банктын жаңы имаратын курууну сунуштады

Депутат Зиядин Жамалдинов Улуттук банктын жаңы имаратын курууну сунуштады. Бул тууралуу ал бүгүн, 3-июнда Жогорку Кеңештин жыйынында билдирди.

"Улуттук банктын жаңы бир имаратын курууга болбойбу? Бул багытта иш жүрүп жатабы?", - деп сурады депутат.

Улуттук банктын төрагасы Толкунбек Абдыгулов: "Киев-Калык Акиев көчөлөрүнүн кесилишинде бүтпөгөн имарат бар. Учурда акыркы этапка жеттик. Макулдашуулар бүткөндөн кийин имаратты куруп баштайбыз", - деп жооп берди.

Депутат жаңы имарат куруу керектигин айтты. "Улуттук банктын сыртынын ремонту жок. Улуттук банк деп айткандан уяласың", - деди эл өкүлү.

Учурда жыйында "Улуттук банк, банктар жана банк иштери жөнүндө” мыйзамына өзгөртүү киргизүү тууралуу” мыйзам долбоору каралууда.