Орусияда акыркы бир сутка ичинде 8 миң 726 адамдан коронавирус аныкталып, 144 адам каза болду

Орусиянын 85 аймагынан акыркы бир сутканын ичинде коронавирус инфекциясы 8 миң 726 адамдан аныкталды. 144 адам каза болсо, 8 миң 57 бейтап айыгып чыкты. Бул тууралуу аталган өлкөнүн басылмалары жазышты.

Маалыматка ылайык, сутка ичинде коронавирус инфекциясы аныкталган адамдардын ичинен:

Москва шаарында - 1 миң 855;

Москва облусунда - 762;

Санкт-Петербург шаарында - 378;

Нижегород облусунда - 330 адам жана калгандары башка аймактардан.

Бул көрсөткүч менен Орусиянын 85 аймагынан жалпы 449 миң 834 адамдан коронавирус аныкталды. 5 миң 528 адам каза болсо, 212 миң 680 бейтап айыгып чыкты.