Өлкөдөгү футболдук клубдар 8-июндан тарта машыгууларын жандандырышат

Чектөө иш-чараларын (карантинди) этабы менен алып салуу, дене тарбия жана спорт чөйрөсүнүн объекттеринин ишин калыбына келтирүү максатында 8-июндан баштап төмөнкү мелдештерге даярдыктын алкагында Кыргыз Республикасынын футболдук клубдарына окуу-машыгуу сабактарын өткөрүүгө уруксат берилет. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.

Маалыматка ылайык, өлкө боюнча төмөнкү мелдештерге даярдыктын алкагында футболдук клубдарга уруксат берилет.

• Кыргыз Премьер-Лигасы (футбол);
• Улуттук Лига (футбол);
• Экинчи Лигасы (футбол);
• Фан-Лига (футбол);
• Кыргыз Республикасынын Суперкубогу (футбол);
• Кыргыз Республикасынын Кубогу (футбол);
• Ардагерлер Лигасы (футбол);
• Кыргыз Республикасынын Суперлигасы (футзал);
• Кыргыз Республикасынын Кубогу (футзал);
• КР АФК-2020 кубогу (футзал);
• Супер Кубогу (футзал);
• Евразиялык Лиганын 3-туру (кум үстүндө футбол).

Ал эми, кыргыз футболдук союзуна төмөнкү эрежелер сунушталат:

Окуу-машыгуу сабактарын башталышынын алдында футбол боюнча клубдарынын оюнчуларын медициналык текшерүүдөн өткөрүү;

Графикке ылайык санитардык ченемдерди жана эрежелерди, гигиеналык жана эпидемияга каршы иш-чаралардын сакталышы өзгөчө контролго алуу;

Спортчулардын дене табын контактсыз көзөмөл жүргүзүү тартибин уюштурууну камсыз кылуу.