Владимир Жириновский актёр Михаил Ефремовду 12 жылга эркинен ажыратууну талап кылды

Орусиялык саясатчы Владимир Жириновский мас абалында унаа башкарып, жол кырсыгына кабылган актёр Михаил Ефремовду 12 жылга эркинен ажыратууну талап кылды. Бул тууралуу саясатчы социалдык тармактагы баракчасына жазган.

"Анын бул кылмышы үчүн жаза катуу болушу керек. Ефремовду 12 жылга эркинен ажыратууну талап кылам", - деп жазган Жириновский.

Ошондой эле ал Ефремовду камакка алуу керектигин айткан. Анткени актёр үй камагында болгондон кийин чет өлкөгө качып кетиши же мас болуп алып терезеден секириши мүмкүн экендигин белгилеген.

Эске салсак, 8-июнь күнү кечинде Москва шаарынын борбордук көчөлөрүнүн биринде актёр Михаил Ефремов мас абалда унаа башкарып бара жатып, каршы тилкеде келе жаткан LADA жеңил жүк ташуучу унаа менен сүзүшкөн. Кийинчерээк LADA унаасынын айдоочусу ооруканадан каза болгон.