"Элдешүүнүн белгиси катары". Америкада жарандар теги африкалыктардын буттарын жууп беришти (видео)

Американын Түндүк Каролина штатында жашоочулар жана полиция кызматкерлери теги африкалыктардын бутун жууп беришти. Бул тууралуу чет элдик маалымат булактары жазышты. Анда жазылгандай, мындай көрүнүш полиция тарабынан кыйноого алынып өлтүрүлгөн Жорж Флойдду жерге бергенден кийинки бут жуу зыйнатында орун алган.

Жөнөкөй жарандар менен полиция кызматкерлери "элдешүү жана сүйүүнүн" белгиси үчүн бул зыйнат учурунда алардын буттарын жууп беришкен. Бул учур видеого, сүрөттөргө тартылып социалдык тармактарга тараган.

Жорж Флойд полиция кызматкерлери тарабынан кыйноо жолу менен өлтүрүлгөндөн кийин АКШнын көптөгөн шаарларында нааразычылык акциясы күч алып, баш аламандыктар орун алган.