Депутат медицина кызматкерлеринин айлык акысын көтөрүүнү карап чыгуу керектигин айтты

Депутат Дастан Бекешев медицина кызматкерлеринин айлык акысын көтөрүүнү карап чыгуу керектигин айтты. Бул тууралуу ал бүгүн, 11-июнда Жогорку Кеңештин жыйынында билдирди.

"5-июлда медицина кызматкерлеринин күнү болот. Ушул жылы медицина кызматкерлери өтө көп жумуштарды аткарышты. Алар коронавируска каршы күрөшүп, күн-түндү карабай, үй-бүлөсү менен жолукпай иштеп жатышат. Төрага, президент, премьер-министр аларга ар кандай сыйлыктарды берип, бюджетте акча болсо акчалай сыйлык бериши керек. Өкмөттө медицина кызматкерлеринин айлыгын көтөрүү маселеси каралышы шарт. 2021-жылы алардын айлыгын көтөрүү зарыл", - деди Бекешев.