Дүйнөдө биринчи жолу мыйзамдагы ууру коронавирустан каза болду

Мыйзамдагы ууру Сачино Гегечкори ("Сачино" каймана аты менен таанылган) Орусиянын Санкт-Петербург шаарында коронавирус инфекциясынын айынан каза болду. Муну менен Сачино кылмыш дүйнөсүнүн ири өкүлдөрүнүн ичинен коронавирус инфекциясынын биринчи курмандыгы болду. Бул тууралуу чет элдик басылмалар жазып чыгышты.

Маалыматка ылайык, 70 жаштагы Сачино Санкт-Петербург шаарын көзөмөл кылчу. Ошол эле учурда анын Түндүк Кавказда кеңири байланышы болгон. Анын катышуусуз Орусиянын түндүк бөлүгүндө мыйзамдагы уурулардын бир дагы жолугушуусу өтчү эмес.

Буга чейин 1-июнда Грецияда криминалдык чөйрөдө белгилүү болгон мыйзамдагы ууру Валерий Жавахадзе ("Курша" каймана аты менен таанылган) 48 жашында каза болгон. Анын өлүмүнө баңги заттарына жана алкоголдук ичимдиктерге көз каранды болуп калганы себеп болгон.