Криштиану Роналду Инстаграмдан эң көп киреше тапкан атактуу болду

Атактуу футболчу Криштиану Роналду Инстаграм социалдык тармагынан "Ювентус" футболдук клубуна караганда көп киреше тапкан. Муну менен ал Месси, Бэкхем, эже-сиңдилер Женнерди ашып өттү. Бул тууралуу чет элдик басылмалар жазышты.

Италиялык "Ювентус" футболдук клубунун жана Португалия курама командасынын чабуулчусу Криштиану Роналду Инстаграмдагы эң атактуу колдонуучулардын бири. Ал Инстаграмдан спортко караганда көп киреше табат. Аталган социалдык тармакта анын 223 миллион катталуучусу бар.

Маалыматта айтылгандай, Роналду 1 жыл ичинде 43 жарнамалык пост жарыялап, 1 миллион 170 миң доллар киреше тапкан. Муну менен анын Инстаграм аркылуу тапкан кирешеси 50 миллион 300 миң долларды түздү. Ал эми "Ювентус" футболдук клубу ага бир жылда 33 миллион доллар төлөп берет.

"Барселона" клубунун чабуулчусу Лионель Месси социалдык тармак аркылуу 40 жарнамалык пост жарыялап, андан тапкан кирешеси 30 миллион 400 миң долларды түзгөн.

Инстаграм аркылуу көп киреше тапкан атактуулардын ичинде эже-сиңди Кендал жана Кайли Женнер да бар. Алардын кирешеси Кендал Женнер (25 миллион 600 миң доллар), Кайли Женнер (19 миллион 600 миң доллар). Ошондой эле бул ондукка белгилүү футболчулар Дэвид Бекхэм (11 миллион 600 миң доллар) жана Неймар (8 миллион 100 мң доллар) кирген.