Өзбекстанда коронавирустан дарылоого өздөрү өндүрүп чыккан дары колдонулат

Өзбекстанда коронавируска кабылган бейтаптарды дарылоого өздөрү өндүрүп чыккан дары колдонулат. Лабораториялык изилдөөдөн өткөн Рутан дарысы Өзбек-Кытай медициналык технопаркында иштелип чыкканын чет элдик басылмалар жазып чыгышты.

Маалым болгондой, Рутан каражаты буга чейин сасык тумоо илдетине каршы күрөшүү үчүн Өзбекстандын Илимдер академиясынын биоорганикалык химия институту тарабынан чыгарылган. Кытайлык дарыгерлер аталган каражатка эксперимент жүргүзүшүп, жыйынтыгында Рутан дарысы коронавирус илдетин 78 пайызга төмөндөтөрүн белгилешкен.

Сөз болуп жаткан дары буга чейин Иран мамлекетине гуманитардык жардам катары жөнөтүлүп, лабораториялык изилдөөдө ийгиликтүү болуп чыккан.

Өзбек-Кытай медициналык технопаркында фармацевтикалык завод иштеп, анда дары каражаттарынын 8 түрү өндүрүлөт.