Социалдык өнүктүрүү министринин орун басары: "1-майга карата өлкөдө 500 миңге жакын адам мамлекеттик жөлөк пул алышкан"

1-майга карата өлкөдө 446 миң 900 адам мамлекеттик жөлөк пулдарды алышкан. Бул тууралуу бүгүн, 12-июнда онлайн брифингде эмгек жана социалдык өнүктүрүү министринин орун басары Ализа Солтонбекова билдирди.

Анын айтымында, мамлекеттик жөлөк пулдар өз убагында төлөнөт. "Жеңилдиктердин ордуна акчалай компенсациялар, ден соолугунун мүмкүнчүлүгү чектелүү балдарды баккан жеке ассистенттердин айлык акылары, багып алуучу үй-бүлөлөргө жана убактылуу үй-бүлөлөрдө тарбияланган балдарга берилүүчү каражаттар өз убагында толук кандуу төлөнөт", - дейт ал.