Шашылыш билдирүү! 15-июндан 16-июнга чейин өлкөнүн айрым аймактарында нөшөрлөгөн жаан жаап, тоолуу аймактарда сел жүрүшү мүмкүн

Ушул жылдын 15-июнунан 16-июнуна чейин туруксуз аба ырайы болуп, өлкөдө нөшөрлүү жаан-чачын күтүлөт. Бул тууралуу Кыргызгидрометтен билдиришет.

Буга байланыштуу республиканын тоолуу аймактарында жана тоо этектериндеги райондорунда сел жүрүшү мүмкүн.

"15-июнда Нарын облусунун көпчүлүк аймактарында, Ысык-Көл облусунун кээ бир райондорунда, Чүй, Ош, Жалал-Абад облустарынын тоо этектеринде жана тоолуу райондорунда жаан жаап, күн күркүрөшү, бийик тоолуу райондордо кар жаашы күтүлөт. Чүй, Ош, Жалал-Абад облустарынын өрөөндөрүндө жана Талас, Баткен облустарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, Нарын, Ысык-Көл облустарынын кээ бир райондорунда 15-20 метрге жетиши мүмкүн", - деп жазылат маалыматта.