Ден соолугунун мүмкүнчүлүгү чектелгендер үчүн майыптык тобун күбөлөндүрүү жеңилдетилди

Ден соолугунун мүмкүнчүлүгү чектелгендер үчүн майыптык тобун күбөлөндүрүү жеңилдетилди. Бул тууралуу Эмгек жана социалдык өнүктүрүү министрлигинен маалымдайт.

Маалыматта бул топтогу адамдар үчүн айрым жол-жоболорго өзгөртүү киргизилгени айтылат.

Атап айтканда:

• стационардык текшерүүсүз экспертизага жиберүүгө укук берген оорулардын тизмеси толукталган. Бул өзгөртүүлөр аутизм, дүлөй, дудуктук, ар кандай даражадагы акыл-эс жактан артта калуу сыяктуу оору менен ооруган 20 миңге жакын адамдын кызыкчылыктарына тиешелүү.
• Патологиясы бар 2500 кишиге чейин, анын ичинде буту ампутациялангандар мөөнөтсүз күбөлөндүрүлөт. Кайталанбаган анатомиялык дефекттердин тизмеси 35тен 60 пайызга чейин узартылды.
• Оорулардын 24 түрү боюнча кайрадан күбөлөндүрүү мөөнөтү 2 жылдан 5 жылга чейин узартылган.
• тугоухтун (укпай калуу) үчүнчү даражасы менен ооруган адамдарга “бала кезинен бери майып” статусу ыйгарылып, майыптыгы боюнча жөлөк пулду эки эсе көп алышат. Жобого өзгөртүү киргизилгенге чейин мындай адамдардын категориясы “жалпы ооруудагы майып” катары каралган.

Министрликтин маалыматы боюнча, ушул жылдын башынан тартып республикада 193 миң 778 ден соолугунун мүмкүнчүлүгү чектелүү адамдар болсо, анын ичинен 32 миң 13ү 18 жашка чейинки балдар болуп эсептелет.