133 миң сомго чейин. Өлкөдө коронавирус менен ооруган бир бейтапка канча каражат сарпталары айтылды

Бүгүн, 16-июнда милдеттүү медициналык камсыздандыруу фондунун төрайымынын биринчи орун басары Клара Өскөмбаева онлайн маалымат жыйында коронавирус менен ооруган бир бейтапка канча каражат сарпталарын айтты.

Ага ылайык:

• Оорунун белгилери жок өткөн учурда - 3 миң 30 сом;
• Оорусу жеңил даражадагы бейтаптар үчүн – 3 миң 500 сом;
• Орто даражадагылар үчүн – 10 миң 817 сом;
• Оорусу оор даражадагы бейтаптар үчүн – 70 миң 427 сом;
• Өтө оор даражадагылар үчүн – 132 миң 837 сом;
• Мындан тышкары байланышта болгон адамдарга байкоо жүргүзүү менен байланышкан учурлар үчүн ооруканаларга акы төлөө 1742 сом.

Клара Өскөмбаева ММК фонду Саламаттыкты сактоо министрлиги менен биргеликте акы төлөө өлчөмдөрүн кайра эсептеп чыкканын белгиледи. Коронавируска кабылгандарды дарылоо мамлекеттин эсебинен жүргүзүлөт.

Республикалык штабдан көрсөтүлгөн сумма бейтаптын стационардагы бир дарылануу курсу үчүн алынарын билдиришти.