Бишкекте кызматтык бош орундардын жарманкеси өтөт

16-сентябрда Улуттук китепканада жумушсуздар, студенттер, ЖОЖдун бүтүрүүчүлөрү үчүн кызматтык бош орундардын жана кесиптердин жарманкеси өткөрүлөт. Эмгек, миграция жана жаштар министрлигинин Бишкек шаардык башкармалыгы өткөрө турган иш-чарага Бишкек шаарынын 30дан ашык мекеме-ишканалары катышмакчы. Анда шаардын мекеме-ишканаларынын 4 миңден ашык жумушчу орундары кароого коюлат. Ал эми ишке орноштуруу борбору Түштүк Кореяга, Арабияга, Орусияга ишке орношуу боюнча кеңештерди берет. Бардык суроолор боюнча 64-17-60, 64-17-70 телефон номурлары аркылуу маалымат алууга болот.