Баткенде аткезчилик фактыларынын натыйжасында мамлекетке 12 миллион 175 миң сом зыян келтирилди

Баткен облусунда 5 айдын ичинде катталган аткезчилик фактыларынын натыйжасында мамлекетке 12 миллион 175 миң сом зыян келтирилген. Анын ичинен 4 миллион 374 миң 559 сому кайра өндүрүлдү. Бул тууралуу бүгүн, 17-июнда өкмөттүн Баткен облусундагы ыйгарым укуктуу өкүлүнүн биринчи орун басары Жаркынбек Максүтов онлайн маалымат жыйыны учурунда билдирди.

"Баткен облусунда аткезчилик боюнча фактылар дагы деле катталып жатат. Мисалга Баткен бажысынын аткезчиликке каршы жүргүзгөн иш-аракеттеринин натыйжасында 1-январдан 1-июнуна чейин 68 бажы эрежелерин бузуу фактысы аныкталган. Ага карата 279 миң сомдук айып пул салынып, бүгүнкү күндө салынган айып пулдар толугу менен өндүрүлдү. Бузуу иштери боюнча 1 миллион 658 миң 887 миң сомдук бажылык төлөмдөр өндүрүлгөн. 18 факты боюнча иш экономикалык кылмышка каршы кызматына өткөрүлүп берилип, 18 кылмыш иши козголду. Бул боюнча мамлекетке келтирилген зыяндын жалпы көлөмү 9 миллион 962 миң сом болгон. Анын ичинен 2 миллион 135 миң сому толугу менен өндүрүлдү", - деди Максүтов.