Чемпиондор Лигасы 7-августта жанданат. Плей-офф баскычындагы бардык оюндар Португалияда өтөт

Европадагы беделдүү мелдештердин бири болгон Чемпиондор Лигасы 7-августта жанданат жана плей-офф баскычындагы бардык оюндар бир эле өлкөдө, тагыраагы, Португалияда өтөт. Бул тууралуу УЕФАнын башкы катчысынын орун басары Жоржио Марчетти түз эфирде билдирди.

Маалыматка ылайык, турнирдин 1/4 финалы, 1/2 финалы жана финалы Португалияда өтөт. Ушул баскычка чыккан бардык командалар бир эле оюн өткөрүшөт. Мурдагыдай конокто жана өз үйүндө ойношпойт.

Турнирдин 1/4 финалына "ПСЖ", "Аталанта", "Атлетико Мадрид" жана "Лейпциг" командалары чыккан. 1/8 финалдагы башка командалардын оюну 7-8-август күндөрү өтөт. Азырынча бул оюндар кайсы шаарда өтөрү чечиле элек.

Чемпиондор Лигасынын күн тартиби:

7-8-август: 1/8 финалдагы жооптук беттештер өтөт ( кайсы шаарда өтөрү азырынча белгисиз);

12-15-август: жарым чейрек финалдык оюндар өтөт (Лиссабон шаарында);

18-19-август: жарым финалдык оюндар өтөт (Лиссабон шаары);

23-август: турнирдин финалы өтөт ("Эштадиу да Луш" стадиону, Лиссабон шаары).

Эске салсак, Чемпиондор Лигасы коронавирус пандемиясынан улам март айында токтотулган эле.