Теннисчи Данияр Дулдаев Стамбулдагы мелдешти ийгиликтүү баштады

Түркиянын Стамбул шаарында "Challenger" аттуу теннис мелдеши өтүп жатат. Данияр Дулдаев мелдешке тандап алуу турунда эки спортчу менен беттешип, жеңишке жетти. Алгач австралиялык Жордан Керрди 6:3, 5:7, 6:3 эсебинде уткан. Экинчи беттеште дүйнөлүк рейтингде 325-орунда турган британиялык Брайдан Клейн менен беттешип 6:4, 1:6, 7:6 эсебинде жеңишти багынтты. Ал эми Данияр Дулдаевдин дүйнөлүк рейтингдеги орду 795-орун. Спортчунун кийинки атаандашы орусиялык Денис Маткевич болору аныкталды. Мелдештин байге фонду 75 миң доллар.