"No name" "Тамашоу" командасынын капитаны Эмил сүйлөшкөн кызына сөйкө салды

"Тамашоудо" Оштун атын чыгарып жүргөн "No name" командасынын капитаны жана кенжеси Эмил Токтошев бойдокчулук менен кош айтышууну чечти. Ал 14-октябрда сүйлөшкөн кызы Багдагүлгө сөйкө салганын маалымдады. Эки жаштын тою эмки жылга белгилениптир. Болочок жубайы тууралуу ал: "Багдагүл - өзүм окуган ОшТУнун экономика бөлүмүнүн 5-курсунун студенти, Алай жергесинен болот",- деп билдирди. Кошумчалай кетсек, Эмил "No name`дин" бойдок жалгыз өкүлү. Командалаштары Мурат Жалиев менен Кадыр Жарматов үй-бүлөлүү.