Депутат: "2018-жылы аялдар күйөөлөрүнө карата зомбулук көрсөтүү боюнча 158 факты катталган"

Бүгүн, 18-июнда Жогорку Кеңештин жыйынында депутат Бактыбек Турусбеков аялдар тарабынан зомбулук көрсөтүлгөн учурлар болобу деп сурады.

"Үй-бүлөлүк зомбулук менен күрөшүү чөйрөсүндөгү айрым мыйзам актыларына өзгөртүүлөрдү киргизүү жөнүндө" мыйзам долбоору каралууда.

Мыйзам долбоорунун демилгечиси депутат Исхак Пирматов расмий статистикага ылайык, 2018-жылдын жыйынтыгы менен эркектер тарабынан жасалган 4 миң 808 зомбулук жасалганын айтты. "Алардын 4 миң 232 жубайларына, 136 балдарына, 119 ата-энелерине, 319 башка туугандарына карата зомбулук жасалган. Ал эми аялдар тарабынан 417 факты катталган. Алардын 158и күйөөлөрүнө карата жасалган. Балдарына, ата-энелерине, бир туугандарына жана башка туугандарына карата зомбулук жасалган факты катталган", - деди ал.