Баткен ОИИБи: "Кадамжайдан 27 жаштагы адамды уурдап кеткен деген шек менен 5 жаран кармалды"

Бүгүн, 19-июнда "Кадамжай районунда адам уурдоо фактысынын бети ачылды", - деп Баткен ОИИБинин маалымат кызматынан маалымдашты. Анда айтылгандай, Кадамжай районунун 56 жаштагы тургуну ушул жылдын 2-март күнү саат 21:00 чамасында үйүнөн анын 27 жаштагы уулун белгисиз адамдар чакырып кеткенин айтып, милицияга кайрылган.

Жаран өзүнүн арызында уулун үйүнөн чакырып кеткендер аны белгисиз тарапка алып кетишкенин, ошол бойдон уулу дайынсыз болуп жатканын жазган.

"Бул факты Кадамжай РИИБинин Кылмыштардын жана жоруктардын бирдиктүү реестрине Жазык Кодексинин 170-беренеси (адам уурдоо) менен катталып, сотко чейинки өндүрүш иши башталган. Анын алкагында 27 жаштагы адам аман-эсен табылды. Аталган окуя боюнча Кадамжай РИИБинин кызматкерлеринин ыкчам иликтөө иштеринин жүрүшүндө:

Ош шаарынын Жапалак айылынын 21 жаштагы тургуну Р.Т.,

Ош облусунун Өзгөн районунун 22 жаштагы тургуну А.Э.,

Ош шаарынын 32 жаштагы тургуну С.Ж.,

Орусиянын аймагында каракчылык фактысы менен мурда соттолгон Ош облусунун Кара-Суу районунун 22 жаштагы Т.Р. аттуу тургуну Ош шаарында изин жашырып жүргөн жеринен кармалды. Кармалгандар убактылуу кармоочу жайына киргизилип, тергөө иштери жүрүп жатат", - деп айтылат маалыматта.