Назарали Арипов "Республика" фракциясынын лидери болуп шайланды

Назарали Арипов парламенттеги "Республика" фракциясынын лидери болуп шайланды. Бул тууралуу Жогорку Кеңештеги өздүк булагыбыз билдирди. Айта кетсек, буга чейин аталган фракцияны башкарып келген Алтынбек Сулайманов 6-сентябрда лидерликтен бошотулган болчу. "Республика" фракциясынын парламенттеги көпчүлүк коалицияга кирүү дымагы бар экени белгилүү. Ал үчүн фракциянын лидеринин алмашуусу роль ойной турганы да айтылып келген эле.  

Назарали Арипов  

1970-жылы, 28-апрелде Баткен облусунун Лейлек районуна караштуу Кара-Булак айылында туулган. 

Билими жогорку, Ош технологиялык университетин аяктаган. 

Эмгек жолун 1990-жылы "Волжск автомобиль заводунда" катардагы жумушчу болуп иштеп баштаган. 

1994–1997-жылдары "Эрдик" менчик ишканасынын директору

1997–2011-жылдары жеке ишкер 

2001–2003-жылдары "Прагма Инк" ишканасынын директору

2003–2009-жылдары "Гефест" ишканасынын директору

2007-жылы – Ош шаардык кеңешинин депутаты

2009–2010-жылдары КРнын Өкмөтүнүн алдындагы милдеттүү медициналык камсыздандыруу Фондунун аймактык башкармалыгынын Ош шаары боюнча директору 

2010-жылдан бүгүнкү күнгө чейин Жогорку Кеңештин депутаты. Коррупцияга каршы күрөшүү комитетинин төрагасынын орун басары. Транспорт, коммуникация, архитектура жана курулуш комитетинин мүчөсү.

Үй-бүлөлүү, 4 баланын атасы.