Ухан вирусу: Дүйнөдө коронавирус илдетин жуктуруп алгандар 9 миллион 71 миң 984кө жетти

Бүгүн, 23-июнга карата дүйнөнү каптаган коронавирус илдети жер жүзүндөгү 9 миллион 71 миң 984 адамга жукту.

Маалыматка ылайык, илдеттен 471 миң 554 адам көз жумду. 4 миллион 499 миң 233 бейтап ооруну жеңип чыкты.

Оору көп жайылган өлкөлөрдүн башында АКШ турат, анда инфекция жуктуруп алгандар 2 миллион 310 миң 798ге жетти. Андан кийинки катарда Бразилия - 1 миллион 106 миң 470, Орусия 591 миң 465, Индия - 425 миң 282, Улуу Британия 306 миң 761 бейтап менен турат.

Жогорудагы маалымат АКШдагы Жон Хопкинс атындагы университеттин сайтынан алынды. Аталган булак Саламаттыкты сактоо боюнча дүйнөлүк уюм, коронавирус катталган өлкөлөрдүн Саламаттыкты сактоо министрликтери берген маалыматка таянып, сутка ичинде бир канча ирет жаңылоо менен вирустун тарашы боюнча статистиканы көзөмөл кылып жатат.