Кытайдагы ресторанда ашпозчулукту да тейлөөнү да роботтор аткарууда

Кытайдын Гуандун провинциясында толугу менен автоматташтырылган ресторан ачылды. Анда кардарларды жалаң роботтор тейлейт. Мындай маалыматты кытай басылмалары жазышууда.

Маалыматта "Shunde City" деп аталган ресторанда жалпысынан 20 робот тамактын 200 түрүн жасай алары айтылат.

"Аталган ресторанда ашканада тамак жасагандан баштап, кардарлардын буюртма кылган тамагын столдун үстүнө жеткирип берүү боюнча иштердин баарын роботтор аткарат. Бул жакта кытай ашканасынын тамактарына жана тез даярдалуучу татымдарга тапшырык берсе болот. Ресторанда бир маалда эле 600 кардар тейленет. Ал эми андагы робот ашпозчулар айрым тамактарды 60 секунд ичинде даяр кыла алат. Келгендер бул ресторанда тамактар даамдуу экенин белгилешкен. Роботтордун жаратуучулары тажрыйбалуу ашпозчулар менен иштешип, системге алардын рецептерин киргизишкен. Роботторду тамак жасоого үйрөтүү үчүн миңден ашуун эксперимент жасалган", - деп жазылат маалыматта.

.