Өлкөдө мектеп бүтүрүүчүлөрүнө аттестаттар толугу менен берилип бүттү

Өлкөдөгү 9-11-класстын бүтүрүүчүлөрү жалпы билим жөнүндө күбөлүк жана жалпы орто билим жөнүндөгү аттестаттарды толук алып бүтүштү. Бул тууралуу Билим берүү жана илим министрлигинин басма сөз кызматынан маалымдашты.

Жалпысынан 9-классты аяктагандарга 105 миң 689 күбөлүк жана 11-классты бүтүргөндөргө 60 миң 533 аттестат берилди.

Билим берүү жана илим министрлиги бул жылы биринчи жолу орто жана жогорку окуу жайларды бүткөндүгү жөнүндө документтердин бирдиктүү үлгүсүн даярдап, аны коомдук талкууга койду.

"Мурдагы кемчиликтердин алдын алуу максатында министрлик, Кыргыз билим берүү академиясы, жогорку окуу жайлар менен биргеликте ведомстволор аралык топ тарабынан бирдиктүү мамлекеттик документтерди иштеп чыкты. Бардык документтер өз убагында шаардык жана райондук билим берүү бөлүмдөрүнө жеткирилди", - деп жазылат маалыматта.