Александр Волкодав – кыргызча ырдаган “сары кыргыз”

Александр Волкодав – кыргызча ырларды катыра аткарган биздин мекендешибиз. Ал музыка дүйнөсүнө 15 жылдан бери аралашып жүрсө да, коомчулукка Алла Пугачёванын “Любовь, похожая на сон” ырынын кыргызча версиясын (“Махабат”) аткарып чыккандан кийин тааныла баштады. “Футбол ойногон ырчылардын арасында өткөн сынакта 16 мамлекеттин арасынан мыкты вокалист катары 2-орунду алдым. Кыргыз өлкөсүнүн желегин көтөрүү чоң сыймык болду, колум титиреп турганы эсимде”, - деген Александр мырзанын маегин “Супер-Инфонун” жаңы №916 санынан окуй аласыз.