Бишкек шаарында кызматкерлеринен коронавирус аныкталган эки бала бакча жабылды

Бишкек шаарында кызматкерлеринен коронавирус аныкталган эки бала бакча жабылды. Мындай маалыматты шаардык мэриядан билдиришти.

Анда Свердлов районуна караштуу №35 бала бакчанын кызматкеринен коронавирус аныкталып, учурда илдеттен дарыланып жатканы, буга байланыштуу аталган бала бакча иштебей турганы айтылды. Мындан тышкары Ленин районуна караштуу №37 бала бакчанын бир кызматкеринен коронавирус тастыкталган. Мекеме карантинге жабылган. Ошондой эле Ленин районунун билим берүү борборунун эсепчиси дагы коронавирус жуктуруп алган.

Буга чейин, 9-июнда республикалык штаб борбор калаадагы бала бакчалардын 6 кызматкеринен коронавирус аныкталганын маалымдаган. Ошондой эле карантин маалында борбордогу 87 бала бакчанын ичинен 15 бала бакча иштеп жатканы кошумчаланган.