+228. Жалпы сан 4 миңге жакындады. Күн сайын өлкөдөгү коронавирус боюнча эң жогорку көрсөткүч жаңыланууда

Бүгүн, 25-июнга карата өлкөдө бир суткада 228 адамдан коронавирус аныкталды. Бул тууралуу саламаттыкты сактоо министринин орун басары Мадамин Каратаев адаттагыдай эле коронавирус боюнча онлайн брифингде айтты.

228 деген көрсөткүч менен бүгүн да өлкөдөгү коронавирус боюнча эң жогорку көрсөткүч жаңыланды. Кечээ, 24-июнда 207 кишиден коронавирус илдети катталган.

Бишкек шаары – 113;
Чүй облусу – 24;
Ош шаары – 32;
Ош облусу – 31;
Нарын облусу – 1;
Жалал-Абад облусу – 10;
Ысык-Көл облусу – 12;
Талас облусу – 3;
Баткен облусу – 2.

Жалпы коронавирус жуктургандардын саны 3954кө жетти.



Стационарда – 635, алардын ичинен реанимацияда – 12, үй карантининде оорусу белгилери жок өтүп жаткандар – 1164.

Акыркы сутка ичинде жүргүзүлгөн изилдөөлөр – 4 160, COVID-19 лабораториялык тастыкталган оорулуулар менен байланышта болгон жактардын саны – 16 265 (байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал).