+250. Анын көбү кайрадан Бишкекте. Соңку 5 күн ичинде 4 жолу өлкөдөгү коронавирус боюнча эң жогорку көрсөткүч жаңыланды

Бүгүн, 26-июнга карата өлкөдө коронавирус инфекциясын жуктургандардын саны 4204 адамга жетти. Бул тууралуу саламаттыкты сактоо министринин орун басары Мадамин Каратаев адаттагыдай эле коронавирус боюнча онлайн брифингде айтты. Анын айтымында, оору бул суткага карата 250 адамдан аныкталды.

Бишкек шаары – 105;
Чүй облусу – 61;
Ош шаары – 47;
Ош облусу – 19;
Нарын облусу – 1;
Жалал-Абад облусу – 12;
Ысык-Көл облусу – 2;
Талас облусу – 1;
Баткен облусу – 2.

Ошентип, соңку 5 күн ичинде өлкөдөгү коронавирус боюнча эң жогорку көрсөткүч 4 жолу жаңыланды. 22-июнда 205, 24-июнда 207 адам, 25-июнда 228 адам илдет менен каттоого алынды.



Оору жаңы катталган 250 адамдын ичинен 3 киши сырттан келген, калган 247 адам тастыкталган учурлар менен байланышта болгондор.

Акыркы сутка ичинде жүргүзүлгөн изилдөөлөр – 4 212, COVID-19 лабораториялык тастыкталган оорулуулар менен байланышта болгон жактардын саны – 16 985 (байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал).

Стационарда – 633, алардын ичинен жандандыруу бөлүмүндө – 12, үй карантининде оорусу белгилери жок өтүп жаткандар – 1366.