super.kg logo

Караколдо айдоочу жол четиндеги бакты сүзүп каза болгон окуя: ОИИБ унаа уурдалып бара жатканын маалымдады

 

Бүгүн түнү Каракол шаарында айдоочу жол четиндеги бакты сүзүп каза болгону маалымдалган. Ысык-Көл ОИИБи маркум айдап бара жаткан Ауди А6 унаасы уурдалып бара жатканын маалымдады.

Анда айтылгандай, кырсык тууралуу маалымат Каракол ШИИБине түнкү саат 03:00 чамасында келип түшкөн. Окуя болгон жерге барган тергөө-ыкчам тобу баштапкы иликтөө иштеринин жүрүшүндө 22 жаштагы И.Ф. жана 18 жаштагы Ш.М. Караколдогу СИЗО-23түн жанында турган Ауди А6 унаасын уурдап качышканын такташкан. Алар Каракол шаарынын тургундары, унааны токтоп турган жеринен саат 02:30 чамасында айдап кетишкен. Уурдалган унаа менен алар Пристань айылын көздөй бет алышкан. Бирок Ф.И. жолдон рулду башкарууну жоготуп, жол четине чыгып, бакты сүзүп алган.

"Унаадагы 18 жаштагы адам учурда Ысык-Көл облустук бириктирилген ооруканасында жатат. Бул факты Каракол ШИИБинде Кылмыштардын жана жоруктардын бирдиктүү реестрине катталып, сотко чейинки өндүрүш иши башталды. Ыкчам тергөө иштеринин жүрүшүндө уурдалган унаанын ээси Жети-Өгүз районунун Аң-Өстөн айылынын 31 жаштагы тургуну Т.Т. экендиги белгилүү болду. Андан унаасынын уурдалганы боюнча арыз алынды", - деп жазылат маалыматта.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: