Орусия чет элдик адистердин өлкөгө кирүүсүнө уруксат берди

Орусиянын премьер-министри Михаил Мишустин пандемия шартында өлкөгө кирүү боюнча чектөөнү жеңилдетүү жөнүндөгү токтомго кол койду. Мындан ары Орусияга жогорку квалификациялуу уруксаты бар чет өлкөлүк адистер кире алышат. Бул тууралуу орусиялык басылмалар жазышууда.

Маалыматка ылайык, чет өлкөлүктөргө мындай мүмкүнчүлүк федералдык аткаруу органдары жана Ички иштер министрлиги тарабынан атайын тизме боюнча бир жолку кирүүгө уруксат берилет.

Коронавирус инфекциясынын жайылышына байланыштуу киргизилген чектөөлөрдүн учурдагы режимин өзгөртүү жөнүндө чечим өкмөткө дипломатиялык өкүлчүлүктөрдөн, бизнес ассоциациялардан, жергиликтүү жана чет өлкөлүк компаниялардан келип түшкөн арыздарын карап чыккандан кийин кабыл алынды.