Чаткал районунун Каныш-Кыя айыл өкмөтүнүн башчысы мурда соттолгону үчүн ээлеген кызматынан бошотулду

Жалал-Абад облусуна караштуу Чаткал районунун Каныш-Кыя айыл өкмөтүнүн башчысы С.М. ээлеген кызматынан бошотулду. Бул тууралуу Башкы прокуратуранын басма сөз кызматы билдирди. Маалыматка ылайык, айыл өкмөтүнүн башчысы мурун “ишенип берилген мүлктү өзүнө ыйгарып алган жана жок кылган” деп айыпталып, 2 жылга шарттуу түрдө кесилген. Кыргызстандын мыйзамына ылайык, мурда сот жообуна тартылган адам айыл өкмөтүнүн башчысы боло албайт.