Кулактандыруу! Бүгүн Бишкектеги №5, №11 жана №14 троллейбустарынын каттамы убактылуу токтотулат

Бүгүн, 1-июлда Бишкекте айрым троллейбустук каттамдар убактылуу токтотулат. Тагыраагы №5, №11, №14 номурлуу троллейбустарынын каттамы түндүк тарапка жүрбөйт. Маалыматты шаардык мэриянын басма сөз кызматынан билдиришти.

Мекеменин маалыматына ылайык, бүгүн Манас кең көчөсүндө жол кырсыгы катталып, жеңил унаа троллейбустук түркүктү сүзүп кеткен. Учурда окуя болгон жерде түркүктү оңдоо иштери жүргүзүлүп жатканы кабарланды.