Алматы шаарынын башкы санитардык дарыгери коронавирус жуктуруп алды

Казакстандын Алматы шаарынын башкы мамлекеттик санитардык дарыгери Жандарбек Бекшин коронавирус инфекциясын жуктуруп алгандыгы тууралуу дарыгер өзү жергиликтүү басылмаларга билдирген.

"Ооруп калдым, бирок өзүмдү кадимкидей дурус сезип жатам. Менде эч кандай симптомдук белгилер жок. Коронавирус жуктуруп алганыма карабастан, аралыктан иштөөнү уланта берем", - деген Бекшин.

Буга чейин Дүйнөлүк саламаттыкты сактоо уюму Кыргыз өлкөсү менен Казакстанды коронавирус инфекциясы тездик менен өсүп жаткан тизмеге киргизген.