Казак дин аалымы коронавирустан эмес, башка дарттан каза болгону айтылды

Казакстанда дин аалымы Абдугаппар Смановдун каза болгону кабарланган, бирок эмнеден улам каза болгону ачык айтылган эмес.
Кээ бир казакстандын жергиликтүү маалымат булактары анын коронавирустан кайтыш болгонун жазышкан.
Ал эми анын кесиптештери дин аалымынын өлүмүнүн себеби коронавирус эмес экенин айтышууда.
"Ага артериялык кан басым, гипертониялык кризис, кант диабети жана пневмония деген диагноз коюлган", - деп билдирген анын кесиптештеринин бири.

Кыргыз өлкөсүнүн мусулмандарынын дин башкармалыгы Казакстанда жана жалпы Борбор Азияга таанымал болгон дин аалымы Абдугаппар Смановдун дүйнөдөн мезгилсиз кайтканына байланыштуу көңүл айтуусун жарыялаган.

Ошондой эле аалымдын каза болгонуна байланыштуу кыргыз коомчулугу да казак элине көңүл айтып жатат.