+73. Акыркы суткада коронавирус инфекциясын жуктуруп алган медкызматкерлердин саны эң жогорку көрсөткүчкө жетти

Бир сутка ичинде өлкө боюнча 73 медициналык кызматкер коронавирус жуктуруп алганы аныкталды. Маалымат Саламаттыкты сактоо министрлигинин коомдук саламаттыкты сактоо башкармалыгынын жетекчиси Айнура Акматова тарабынан белгилүү болду.

• Бишкек шаары – 32;
• Чүй облусунда – 20;
• Ош шаары – 7;
• Ош облусунда – 7;
• Жалал-Абад облусунда – 3;
• Баткен облусунда – 3;
• Ысык-Көл облусунда – 1.

Ал эми бир суткада 20 медициналык кызматкер ооруканалардан айыгып чыкты.

Республика боюнча COVID-19 диагнозу 994 медкызматкерге коюлуп, алардын ичинен 484 медкызматкер стационарлардан айыгып чыккан.