Бишкекте мурда авиабаза болгон Гансинин аймагында Травматология жана ортопедия илим изилдөө борборунун филиалы ачылды

Кечээ, 2-июлда Гансиде Травматология жана ортопедия илим изилдөө борборунун филиалы ачылды. Бул тууралуу ортопед Сабырбек Жумабеков билдирди.

“Саламаттыкты сактоо министрлигинин жардамы, колдоосу менен "Гансиден" Травматология жана ортопедия илим изилдөө борборунун филиалын ачтык. Жалаң вирустук пневмония менен ооругандарды дарылайбыз. Биздин борбордун дарыгерлери, медайымдары иштешет. Аларды атайын окутуп даярдаганбыз. Министрликтин көрсөткөн протоколу менен дарылайбыз. Азырынча 100 орундуу, бейтаптар көбөйсө 200гө жеткиребиз”, - деп жазган ал өз билдирүүсүндө.

Профессор Жумабеков аталган ооруканага баруу үчүн "Тез жардам" кызматы менен келүү шарт эместигин, өз алдынча барууга мүмкүн экенин, кыйналгандар үчүн да орун дайыма болорун кошумчалаган.

Бул билдирүүдөн көп өтпөй эле Сабырбек Жумабеков жаңы ооруканадагы орундуктар толуп калганын билдирген.