Сооронбай Жээнбеков Орусиянын президенти Владимир Путин менен телефон аркылуу сүйлөштү

Бүгүн, 3-июлда өлкө башчысы Сооронбай Жээнбеков Орусия президенти Владимир Путин менен телефон аркылуу сүйлөштү.

Сүйлөшүүнүн жүрүшүндө Сооронбай Жээнбеков Владимир Путинди Конституцияга өзгөртүүлөрдү киргизүү боюнча добуш берүүнүн ийгиликтүү өтүшү менен куттуктаганы маалымдалат.

"Өлкө башчылар эки тараптуу кызыкчылыктарды камтыган кызматташуу маселелерин да талкуулашты.

Сооронбай Жээнбеков ошону менен катар эле Владимир Путинге коронавирус инфекциясынын жайылышына каршы күрөшүүдө көрсөткөн гуманитардык жардамы үчүн ыраазычылык билдирди", - деп айтылат маалыматта.