"Ухан вирусу": Коронавирус боюнча дүйнөлүк статистикада Индия Орусияны артка калтырып, үчүнчү орунга чыкты

Бүгүн, 7-июлга карата дүйнө жүзүндө COVID-19 илдети 11 миллион 589 миң 382 адамга жукту. Анын ичинен 6 миллион 274 миң 971 бейтап ооруну жеңип чыкты. Тилекке каршы, бул оорудан 537 миң 419 адам каза болду.

Коронавирус эң көп жайылган өлкөлөрдүн сап башында дагы деле АКШ турат. Анда 2 миллион 934 миң 499 адам илдетке чалдыккан. Айыккандар - 924 миң 148, каза болгондор - 129 миң 906.

Ал эми Индия Орусияны артка калтырып, үчүнчү орунга чыкты. Анда 697 миң 413 адам вируска кабылган. Тилекке каршы, 19 миң 693 бейтап көз жумса, 424 миң 433 бейтап оорудан сакайган.

Жогорудагы маалымат АКШдагы Жон Хопкинс атындагы университеттин сайтынан алынды. Аталган булак Саламаттыкты сактоо боюнча дүйнөлүк уюм, коронавирус катталган өлкөлөрдүн Саламаттыкты сактоо министрликтери берген маалыматка таянып, сутка ичинде бир канча ирет жаңылоо менен вирустун тарашы боюнча статистиканы көзөмөл кылып жатат.