Бишкектеги кээ бир оорукананын башкы дарыгерлери орундарды өздөрүнүн жакындарына сактап жатышат дегенге өкмөт башчы жооп берди

Бишкектеги кээ бир оорукананын башкы дарыгерлери орун жок деп коюп, аларды өздөрүнүн жакындарына, туугандарына сактап жатышат деген суроого өкмөт башчы төмөнкүчө жооп берди.

"Айла жок, биздин арабызда ушундай кызматкерлер болуп жатат. Бул боюнча биздин дагы кабарыбыз бар. Биз азыр кайсы оорукана боюнча жазылганын билбей жатабыз. Эгер ошол адамдар аныкталса, алар тийиштүү жазасын алышат. Бүгүндөн баштап өкмөттөн бирден киши ар бир оорукананын башкы дарыгеринин кыймылына көзөмөл кылат. Азыр мен ошол буйрукка кол коём", - деди ал.