Талас облусунун Бакай-Ата районундагы эпидемиологиялык абал айтылды

Учурдагы пандемияда өлкөбүздүн ар бир облусу жабыр тартууда. Буга байланыштуу Талас облусунун Бакай-Ата районунун абалын билүү үчүн райондун акими Чолпон Төрөкуловго байланышып, учурдагы абал боюнча төмөндөгүдөй маалыматтарды алдык.

"Пандемия ар бир облуста жүрүп жатат. Бакай-Ата да өзгөчө район. Элге шарттар толугу менен түзүлдү. Ар бир айылга 5-10дон ФАПтар ачылды. Күндүзгү стационарлар бар. Ошондой эле Бакай-Атанын борборунда медресенин жамааты аны бошотуп берди. Ал жерге 15-20 орунду дарыгерлерге күнү-түнү жата турган жай, тамак-ашына чейин уюштуруп, экинчи бөлмөсүнө 30 орундуу күндүзгү стационар ачылды. Бардык бейтаптар каралып жатат. Ооруканаларга элдин агымы башка облустардагыдай эле", - деди район акими.