УКМКнын коррупция менен күрөшүү бөлүмүнүн мурдагы орун басары Чайка Керимбаев пневмониядан каза болду

Улуттук коопсуздук комитетинин коррупция менен күрөшүү бөлүмүнүн жетекчисинин мурдагы орун басары, полковник Чайка Керимбаев пневмониядан улам каза болду. Бул тууралуу Ысык-Ата районундагы Ивановка айылындагы айылдаштары билдиришти.

Алардын айтымында, Чайка Керимбаев мыкты жолдош, камкор ата жана сүйүктүү чоң ата болгон.

"Ал болгону 54 жашта эле. Башка өнөкөт оорусу деле жок болчу, ишене албай турабыз. Жубайы Аселге терең кайгыруу менен көңүл айтабыз", - дешет айылдаштары.

Ал эми укук коргоо органдарынын ардагерлеринин атынан жазылган социалдык тармактагы баракчадагы көңүл айтууда Чайка Керимбаев өз ишинин мыктысы гана эмес, адамкерчилиги дагы жогору болгону белгиленет.

Керимбаевдин акыркы ээлеген кызматы "Роснефть" компаниясынын гендиректорунун орун басары болгон.