Элчилик: "Орусиянын токоюна көмүлгөн мигранттардын бардыгы Кыргыз жарандары"

Орусиянын Якутск шаарындагы токойдо канаттуулар фермасынын аймагынан массалык түрдө көмүлгөн мүрзө табылгандыгы айтылган. Бул тууралуу Кыргыз өлкөсүнүн Орусиядагы элчилиги маалымат таратты.

"Бул маселе элчиликтин көзөмөлүндө турат. Белгиленген жерде 5 Кыргыз жаранынын сөөгү көмүлгөн. Алардын ичинен төртөө - Кыргыз жараны, ал эми бирөөсү Кыргыз өлкөсүндө төрөлгөн Орусиянын жараны. Жарандардын сөөктөрүн көмүүгө тийиштүү уруксат кагаздары жана документтери бар.

Маалыматка ылайык, сөөк коюлган жер жергиликтүү мусулман көрүстөнүнө тиешелүү. Тилекке каршы, мусулман көрүстөнүнүн аймагы өз убагында тосулган жана каралган эмес. Азыркы убакта Саха Республикасынын (Якутиянын) мусулмандарынын дин башкармалыгы тарабынан бул мусулман көрүстөнүнүн аймагы тазаланып, оңдоо иштери жүргүзүлүп, уруксатсыз топтолгон таштандылар жок кылынып, мүрзөлөр тазаланды. Саха Республикасынын дин башкармалыгы көрүстөндүн аймагына ар дайым кам көрүү тууралуу жана аймактык мүчөлүк боюнча документтерди тапшыруу чечимдерин жарыялады", - деп жазылат маалыматта.