Ички иштер министринин мурдагы орун басары Курсан Асановдун ооруп жатканына байланыштуу соттук иш жылдырылды

Бүгүн, 10-июлда Биринчи Май райондук сотунда ички иштер министринин мурдагы орун басары Курсан Асановдун жазык иши каралмак. Бирок ал айыпталуучу Курсан Асановдун ооруп жаткандыгына байланыштуу жылдырылганын мекеменин басма сөз кызматынан билдиришти.

Ага ылайык, кийинки соттук териштирүү 24-июль күнү саат 10:00гө белгиленгени маалымдалат.

Окуянын чоо-жайы:

13-августта Курсан Асанов "милициянын кызыкчылыгын сатты" деген жүйө менен министрдин орун басары кызматынан бошотулган. Ички иштер министрлигинин басма сөз кызматынын министри Кашкар Жунушалиев Атамбаевди кармоо учурунда аны менен жалпысынан 3 жолу сүйлөшүү жүргүзгөнүн, министр макул кылдырган соң гана ал ишке Курсан Асанов аралашканы тууралуу маалымат тараткан.

Башкы прокуратура Курсан Асановдун иши боюнча кызматтык иликтөөнүн материалдары менен таанышып чыгып, ал материалдардын негизинде "кызматтык абалынан кыянаттык менен пайдалануу" беренеси боюнча кылмыш иши ачылган.

Курсан Асановдон тышкары Биринчи Май райондук сотунун өндүрүшүндө Курсан Асановдун жан сакчысы Дамир Пайзилда уулу жана журналист Турсунбек Бейшенбеков дагы айыпталуучу катары өтүүдө. Айыпталуучулар учурда үй камагында.