Ажылык сапарга байланышкан муфтияттын банктык эсеби ачылды

Ажылык сапарга байланышкан муфтияттын банктык эсеби ачылганын бүгүн, 11-сентябрда муфтияттын басма сөз кызматы билдирди. Маалыматка ылайык, мындай чечимди Биринчи Май райондук соту чыгарган. Ал эми учурда даярдыктар кызуу жүрүп жаткандыгы жана 17-сентябрда алгачкы топ учары белгилүү болду. Эске сала кетсек, УКМК салыктар өз убагында төлөнбөгөндүгү үчүн муфтияттын банктык эсеби жаап салган болчу. Буга байланыштуу 2-сентябрда зыяратчылар учуп кете албай калышкан эле. Быйыл Кыргызстан үчүн 3600 квота берилгени белгилүү.