Өлкөдө 220 ИВЛ аппараты жетишпейт

Кыргыз өлкөсүнүн саламаттыкты сактоо тармагы дагы 220 ИВЛ аппаратына муктаж. Бул тууралуу коомдук саламаттыкты сактоо башкармалыгынын башчысы Айнура Акматова онлайн маалымат жыйында айтты.

"Бүгүнкү күндө өпкөнү жасалма дем алдыруучу аппаратына (ИВЛ) республика боюнча мониторинг жүргүзүлдү. Ал мониторингдин негизинде иштеген абалда 572 ИВЛ аппараты бар. Пандемия башталгандан бери гуманитардык жардам аркылуу 23 ИВЛ аппараты алынды. Азыркы күндө донорлордун каражаттарынын эсебинен сатып алууга атайын 63 ИВЛ аппаратына тендер өткөрүлдү. Коңшу Өзбекстандан өткөн аптада баарыңыздар билгендей, 100 даана ИВЛ аппараты келди. Алар шаардагы ооруканаларга таркатылып, калганы резервде турат. Ал эми учурда саламаттыкты сактоо системи 220 ИВЛ аппаратына муктаж", - деди Акматова.