Көк бөрү боюнча Азия чемпиондугу: Кыргызстан Өзбекстанды 11:1 эсебинде жеңди

Казакстанда 11-сентябрда өткөн көк бөрү боюнча Азия чемпиондугунун биринчи оюнунда Кыргызстандын курама командасы Өзбекстандын командасын 11:1 эсебинде жеңди. Муну Дене тарбия жана спорт агенттигинин басма сөз кызматы билдирди. Мелдеш Астана шаарындагы "Казанат" ат майданында өттү. Ошондой эле Кытай - Түркия командасынын эсеби: 8:0, Казакстан - Тажикстан 9:3, Орусия - Монголия 13:0 болуп аяктады. Белгилей кетсек, алгачкы ирет өтүп жаткан Азия чемпиондугу 10-15-сентябрь күндөрү өтөт. Бүгүн, 12-сентябрда Кыргызстан Түркия менен беттешет. Мелдеште 1-орун үчүн 75 миң, 2-орунга 45 миң, 3-орунга 35 миң доллар каралган.