Бишкектеги студенттер поликлиникасына жаңы медициналык жабдуулар берилди

11-сентябрда Бишкектеги студенттер поликлиникасына жаңы медициналык жабдууларды берилди. Бул “Бишкек шаарынын студенттерин медициналык жактан тейлөөнү жакшыртуу долбоорунун” алкагында ишке ашканын мэриядан билдиришти. Иш-чарага мэриянын Саламаттыкты сактоо департаментинин директору А.Мурзалиев, Билим берүү жана илим министрлигинин өкүлү А.Жураев, Япониянын Кыргызстандагы элчиси Такаюки Коикэ, ЖОЖдун ректорлору жана шаардык медицина мекемелеринин жетекчилери катышты. Мурзалиев: “Жаштар биздин келечек, алардын ден-соолугун сактоо маанилүү. Бүгүнкү иш-чара бул багыттагы мындан аркы иштерибизге жакшы өбөлгө түзөт. Япония өкмөтүнө терең ыраазычылык билдирем”,- деди. Жалпы суммасы 4 миллион 2850 сомду түзгөн медициналык жабдуулар Япония өкмөтүнүн гранттык программасынын алкагында берилгени айтылды.