"Бул сыноолор өтөт, кетет, жамандын артынан жакшы келет". Султан Садыралиев, Гүлнур Сатылганова, Анжелика жана башка эстрада жылдыздарынан жаңы чыгарма

Кыргыз эстрадасынын жылдыздары "Адамга адам керек" аталышындагы чыгарма жаздырып, клип тарттырышты. Ырдын сөзү Акбар Кубанычбековго, обону Султан Садыралиевге таандык.

Султан Садыралиевдин айтымында, обон бир ай мурда жазылган.

"Кылым карыткан кыргыз тарыхы далай сыноолорду башынан кечирген. Бирок биринде дагы баш ийип, тизе бүгүп, мизи майтарылып, багынган эмес! Кыргызстаным - жаныңда сени чын дилден сүйгөн, ар бир тоголок ташың үчүн жанын садага чапканга даяр уул, кыздарың турганда, кандай кыйынчылык болбосун бир муштумдай түйүлүп, жеңип чыгарынан эч кам санаба! Сенин жаркын келечегиң үчүн биз дайым биргебиз! Бизди бир гана максат бириктирет, ал - Кыргызстан!", - деген Садыралиев.

Чыгарманы эстрада жылдыздары Алтынай Нарбаева, Гүлнур Сатылганова, Токтобек Асаналиев, Султан Садыралиев, Урмат Усенов, Юлия Руцкая, Гүлжигит Калыков, Омар, Анжелика, Аваз Акимов, Жонни, Аско, Бек Исраилов, Азат Раимбердиев, Курал Чокоев, Айпери Кубик кызы, Айганыш Абдиева, Нурмат Садыров, Максат Садырбеков, Макс Бегалиев, Толгонай Арзыкеева, Нурсултан Азыкбаев, Чолпон Талипбек, Кудайберди Айтбосунов жана Акбар Кубанычбеков аткарышкан.