Бүгүнкү күндүн баатырлары! Бишкекте ыктыярчылар оор абалдагы бейтапка унаанын багажында жардам көрсөтүп бара жаткан видео тарады

Интернетке ден соолугу начарлаган жаранга унаанын багажында алгачкы жардам көрсөтүлүп жаткан видео тарады. Видео Бишкектин көчөлөрүнүн биринде тартылган.

Анда ыктыярчылар оор абалдагы бейтапты унаанын багажына жаткырып ооруканага алып бара жатканын, ошол эле учурда ага жасалма дем алдыруу ыкмасы колдонулганын көрүүгө болот. Видеонун автору бейтапты 3 сааттан бери ооруканага ташып жүргөнүн, Улуттук онкология борборуна алып барышканда, ал жактагылар кабыл албай койгонун айтат.