Бишкектеги обсервациялардын биринде иштеп жатып каза болгон Адинай Мурзабекованын сөөгү жерге берилди

Бүгүн, 15-июлда Бишкектеги обсервациялардын биринде медайым катары иштеп жатып каза болгон студент Адинай Мурзабекованын сөөгү Ысык-Ата районундагы айылда жерге берилди. Бул тууралуу SUPER.KG порталына Cын-Таш айыл өкмөт башчысы билдирди.

Маалыматка ылайык, сөөктү жерге берүү зыйнаты саат 10:00дө өткөн.

Саламаттыкты сактоо министрлиги Кыргыз мамлекеттик медициналык академиясынын 5-курсунун студенти 13-июль күнү каза болгонун маалымдаган. Ошондой эле мекемеден маркумдун өлүмүнүн себеби эки тараптуу пневмония болгон деген алдын ала маалымат беришкен. Президент Сооронбай Жээнбеков Иса Ахунбаев атындагы Кыргыз мамлекеттик медициналык академиясынын 5-курсунун студенти Адинай Мурзабекованын дүйнөдөн мезгилсиз кайткандыгына байланыштуу анын үй-бүлөсүнө жана жакындарына көңүл айткан.